Berisha akuzon kryebashkiaken e Durrësit: “Sako, Gjushi me fustan, asfalt për votë në Shënavlash”

Lideri i opozitës, Sali Berisha, ka lëshuar akuza të forta ndaj kryetares së Bashkisë Durrës, Emiriana Sako, duke e cilësuar atë si “Gjushi me fustan” dhe duke e denoncuar për krim elektoral.
Në një reagim në Facebook, Berisha shprehet se Sako ka nisur asfaltimin elektoral në Shënavlash të Durrësit, në kundërshtim të hapur me ligjin, me qëllim blerjen e votave për zgjedhjet e 11 majit.

Berisha thekson se përdorimi i fondeve publike për qëllime elektorale përbën një shkelje të rëndë ligjore dhe paralajmëron se pas zgjedhjeve, Sako dhe bashkëpunëtorët e saj do të mbajnë përgjegjësi ligjore, njësoj si ish-zyrtarë të tjerë të denoncuar për terror elektoral.

Në postimin e tij, ai dënon ashpër veprimet e kryebashkiakes dhe publikon një video të dërguar nga një qytetar dixhital, i cili denoncon asfaltimin në Shënavlash duke shtuar:
“Po bëjnë çdo gjë për të fituar, por këtë herë do të humbin si kurrë më parë. Rroftë Partia Demokratike!”